01 фев 11:44
Янгиликлар

Бокс/ММА

Мадримовнинг вазнидаги россиялик чемпион камаридан маҳрум бўлди

Британиянинг Ньюкасл шаҳрида катта профессионал бокс кечаси бўлиб ўтди.

Турнирнинг асосий жанги россиялик Бахрам Муртазалиев ҳамда англиялик Жош Келли ўртасида IBF талқини бўйича биринчи ўрта вазнда жаҳон чемпионлиги учун бўлиб ўтди.

Жанг тўлиқ 12 раунд давом этди ва ҳакамлар қарорига кўра Жош Келли ғалаба қозонди — 113-113, 115-111, 114-113. Бу Бахрам учун илк ҳимоя жанги эди.

Келли тайминг ва тезлик борасида устунлик қилди ва бутун жанг давомида россияликка ўз услубида ишлаш имконини бермади. Шунингдек, учинчи раундда Келли Муртазалиевни нокдаунга туширди. Тўққизинчи раундда эса Жош нокдаун ҳолатига тушиб қолди.