Магомед Анкалаев: "Алекс Перейрани ортиқ ҳурмат қилмайман"

"Тўғрисини айтсам, яқин-яқингача мен уни ҳам жангчи, ҳам инсон сифатида ҳурмат қилардим. Энди уни ҳурмат қилмайман. Майли, треш-ток - бу жангга қизиқиш уйғотиш усули, ҳазиллашиш ёки кимнидир масхара қилиш мумкин. Аммо сен одамларга ёлғон гапириб: "Мен уни кўрдим, у яширинди" деб ёлғон хабар тарқатишга ҳаққинг йўқ. Муаммо шундаки, бир неча кун олдин у бу сафсаталарни айтиб юрган эди, бугун эса мен уни кўрдим. Мен фақат мураббий билан, у эса бутун жамоаси билан бирга эди - мен унга яқинлашдим ва дедим: "Ҳой, йигитлар. Сиз мени яшириниб юрган деб ёлғон гапирдингиз. Мен ҳозир шу ердаман. Нима қилмоқчисиз? Ўша ернинг ўзидаёқ баҳоналар ўйлаб топа бошлади: - Э, буни бир қиз айтди, анави йигит айтди.

Менда ҳеч қандай муаммо йўқ, лекин агар у кейинги ҳафтада менга жуда яқинлашса ва ҳаддан ошишга қарор қилса, албатта, ўзимни ҳимоя қиламан. Қолганини қафасда кўрамиз", - дея Анкалаевнинг сўзларини келтиради MMAJunkie.

Уларнинг реванш жанги 25 октябрь куни Лас-Вегас (АҚШ) шаҳрида ўтказиладиган UFC 320 турнириинг асосий тўқнашуви бўлади. Анкалаев ва Перейра ўртасидаги биринчи жанг 2025 йил 9 март куни UFC 313 турнирида бўлиб ўтганди. Тўлиқ беш раунд давом этган жанг ҳакамларнинг якдил қарори билан Анкалаевнинг ғалабаси билан якунланди.