20 дек 13:28
Янгиликлар
Бокс/ММА
Магомед Анкалаев Перейранинг жангни рад этганига битта сўз билан муносабат билдирди
Яримоғир вазн тоифаси UFC рейтингида биринчи ўринни эгаллаб турган Магомед Анкалаев дивизион чемпиони Алекс Перейранинг жангдан воз кечганини эътиборсиз қолдирмади.
Бразилиялик чемпион кейинги жангини россиялик аралаш яккакураш устаси билан ўтказмаслигини айтганди.
"Жўжа!", - дея биргина сўз билан ўзининг ижтимоий тармоқдаги саҳифасида муносабат қолдирган Анкалаев.
Маълумот учун, Магомед Анкалаев 26 октябрь куни Абу-Дабида ўтган UFC 308 турнирида австриялик Александр Ракични очколар ҳисобига кўра мағлуб этганди. Алекс Перейра эса 5 октябрь куни Солт-Лейк-Ситида UFC 307 турнири доирасида америкалик Халил Раунтрини тўртинчи раундда техник нокаутга учратганди. Бу унинг учинчи чемпионлик ҳимоя жанги эди.
Ҳавола :
Фикрлар