Маҳмуд Мурадов навбатдаги жангини ўтказиш учун АҚШга етиб борди + ФОТО

Маҳмуд Мурадов ўзининг навбатдаги жангига бир ҳафта қолганда АҚШга етиб борди. Ҳамюртимиз 29 август куни эрта тонгда UFC Fight Night турнири доирасида Жеральд Мёршартга қарши октагонга кўтарилади. Бу унинг UFC промоушенидаги тўртинчи жанги бўлади.

Маълумот учун, Мёршерт ММАдаги фаолияти давомида 46 та жанг ўтказиб, уларнинг 32 тасида ғалаба қозонган. 14 та жангда мағлуб бўлган. Унинг ташриф қоғозида Кевин Холланд, Хамзат Чимаев каби рақибларга ўтказилган жанглар бор. Номдор рақибларига табиийки, имкониятни бой берган. 

Маҳмуд Мурадов иштирокида кечадиган UFC Vegas 35 оқшомининг марказий жанги эса Эдсон Барбоза (22-9) ва Гига Чикадзе (13-2) ўртасида бўлиб ўтади.