04 авг 09:12
Янгиликлар

Бокс/ММА

Маҳмуд Мурадов UFC'да жанг қилиши керак бўлган рақибига "вызов" ташлади

Ярим оғир вазн тоифасида Чехиянинг Oktagon MMA Лигаси чемпионига айланган ўзбекистонлик аралаш якка кураш устаси Маҳмуд Мурадов кейинги жангини кимга қарши ўтказмоқчи эканини айтди.

Ҳамюртимиз 2 август тонгида Чехиянинг Прага шаҳрида ташкил этилган OKTAGON 92 турнирида ирландиялик Уилл Флёри билан жанг қилиб, иккинчи раундда техник нокаут орқали ғалаба қозонган ҳолда ярим оғир вазн тоифасида тўлақонли чемпионга айланган эди.

Жанг якунида Маҳмуд айни дамда ўрта вазн тоифасида Oktagon MMA Лигасининг амалдаги чемпиони, полшалик Кшиштоф Йотко билан жанг қилиш истаги борлигини айтди. Маҳмуд ушбу Лигада ўрта вазн тоифасида Interim камарига эгалик қилади.

Аслида, Мурадов ва Йотко ўртасидаги беллашув 2020 йил октябрь ойида UFC Vegas 12 турнири доирасида ўтказилиши белгиланган, бироқ ўшанда Йотко жароҳат олиб, жангни тарк этганди.