25 сен 16:16
Янгиликлар

Бокс/ММА

Макгрегор кучли зарбаларга таянган ҳолда жангга тайёргарлик кўраётганини айтди

Ирландиялик аралаш яккакураш устаси Конор Макгрегор узоқ муддатидан кейинги жангларига кўпроқ тажовузкорлик ва анча залворли зарбалар билан тайёргарлик кўраётганини маълум қилди.

Икки вазн тоифасида собиқ UFC чемпионининг сўзларига кўра, сўнгги машғулотларда зарбалар кучи ва аниқлигини оширишга эътибор қаратилган ва энди у бу тажрибани жангларда қўлламоқчи.

"Менда тажовузкорлик йиғилиб қолди. Уларни чиқариб ташлаш керак. Мен ҳар қачонгидан ҳам кучлироқ ва аниқроқ зарба беряпман. Сўнгги машғулотларда анча залворли зарбалар бердим ва буни яна рингда қўллаш ҳақида ўйлаш менга ёқмоқда. Зарбаларим ҳавода ракетадек визиллаб учади. Айнан шунинг учун мен жанглар оламидаги барча молиявий рекордларни ўзимда сақлаб келяпман. Тез орада кўришамиз, йигитлар", - деб ёзди Макгрегор ижтимоий тармоқдаги саҳифасида.