13 фев 09:51
Янгиликлар
Макгрегор — Порье 3. Трилогия ёзда ўтказилади
Бу маълумотни шахсан UFC президенти Дана Уайт ҳам ўз интервьюсида тасдиқлади. Унинг айтишича, трилогия шу йилнинг ёзида ўтказилиши мумкин экан.
"Айни пайтда Дастин Порье рейтингда биринчи ўринни эгаллаб турибди. Конор эса олтинчи поғонадан жой олган. Агар уларнинг ҳар иккиси ҳам ўзаро яна бир бор жанг ўтказишни исташса, трилогия албатта амалга ошади. Биз бу жангни ёзда ўтказишга тайёрмиз", — дея Уайтнинг сўзларини келтирмоқда MMA Fighting.
Эслатиб ўтамиз, Дастин Порье ва Конор Макгрегор ўзаро икки бор октагонда тўқнаш келишган. 2014 йилда ўтган илк жангда Конор биринчи раунддаёқ ғалаба қозонганди. Ўтган ой ўтказилган реваншда эса Дастин иккинчи раундда Конорни нокаутга учратиб, мувозанатни тиклаганди.
Фикрлар