15 июн 13:55
Янгиликлар

Бокс/ММА

Макгрегор Топуриянинг Гэтжи билан жангдаги мағлубияти ҳақида гапирди

Икки вазнда собиқ UFC чемпиони Конор Макгрегор UFC Freedom 250 турнирининг асосий жангини беэътибор қолдирмади.

Оқ уй оқшомининг асосий жангида Илия Топурия кутилмаганда америкалик Жастин Гэтжига техник нокаут эвазига мағлуб бўлиб, камаридан айрилганди.

"Ўзи таслим бўлди. Буни кўриш жуда ачинарли. Лекин у ҳар ҳолда, гарчи ачиниш билан бўлса-да, ҳурмат қозонди. Бугунги дўппослашдан кейин у янада кучлироқ бўлади деб умид қиламан", - деб ёзди Макгрегор Х ижтимоий тармоғидаги саҳифасида.

Эътиборлиси, бугун Илия Топурия фаолиятидаги илк мағлубиятини қабул қилиб олди. Унинг ғалабалари 17 талигича қолди. Жастин Гэтжи ҳисобида эса 28 ғалаба ва 5 та мағлубият бор.