21 сен 11:56
Янгиликлар

Бокс/ММА

Макгрегор UFC билан рекорд даражадаги янги шартнома имзолади

Аралаш қоидалар бўйича икки вазн тоифасида собиқ UFC чемпиони Конор Макгрегор промоушен билан янги шартномага имзо чекди.

Келишувга кўра ирландиялик спортчи 8та жанг ўтказади. Шартноманинг шартлари, хусусан молиявий бандлари ошкор қилинмаяпти. Лекин UFC президенти Дана Уайтнинг айтишича, Макгрегорнинг шартномаси ММА тарихидаги энг каттаси экан.

Макгрегор янги шартнома бўйича илк жангини 6 октябрь куни россиялик жаҳон чемпиони Хабиб Нурмагомедовга қарши ўтказади. Супержанг АҚШнинг Невада штати Лас-Вегас шаҳрида бўлиб ўтади.