Макгрегор UFC босслари билан учрашишни талаб қилди

"Нотариус" бу масалани 2023 йилда бирлашгандан кейин UFC ва WWE’га эгалик қилувчи бош компания - TKO Group Holdings ижрочи директори Ари Эмануэл билан муҳокама қилмоқчи эканлигини очиқ эълон қилди.

"Бу ўқилиши шарт. Мен Ари билан гаплашмагунимизча қайтмайман!", - деб ёзди собиқ UFC чемпиони ижтимоий тармоқда ва анъанага кўра ушбу хабарни ўчириб ташлади.

Макгрегорнинг баёноти ирландиялик унинг Лига билан шартномаси ҳақиқий эмаслиги ва уни қайта кўриб чиқиш кераклиги, чунки UFC Paramount платформасига ўтиши билан унинг ташкилот билан ҳамкорлигининг асоси бўлган анъанавий PPV модели йўқ қилинганинидан ўн кун ўтиб янгради.

Конорнинг баёнотидан бир ҳафта ўтгач, Лига раҳбари Дана Уайт ирландиялик ва Майкл Чендлер ўртасидаги жанг ташкилот учун аҳамиятини йўқотганини маълум қилди ва умуман олганда, аралаш яккакурашлар тарихидаги энг даромадли жангчи октагонга қайтишига шубҳа билдирди.

Бунгача Конор Макгрегор шу йилнинг июнь ойида Оқ уйда бўлиб ўтадиган UFC турнирида фаолиятини давом эттиришга ваъда берган эди.