Макгрегор Хабибга мурожаат қилди: "Отангнинг режаси ҳеч қачон амалга ошмайди!"

"Жамоамизда енгил вазн тоифасида амалдаги UFC, Bellator чемпионлари бор ва бу ажойиб ҳолат. Анча олдин мен бир йигитнинг "Биз ҳамма нарсага эгалик қилиш учун келдик" деганини эшитган эдим. Ҳа, биз бу ерга эгалик қилиш учун келдик" - деди Хабиб.

Конор эса ўз услубида бу сўзларга муносабат билдирди. 

"Мен курашяпман! Отангнинг режаси ҳеч қачон амалга ошмайди, чунки сен таслим бўлдинг ва қочиб кетдинг. Агар яна жанг қилмоқчи бўлсанг, мен ҳали ҳам шу ердаман. Лекин мағлубиятдан қўрқишинг аллақачон ютқазганингни билдиради. Хоҳлаган жойга қочишинг мумкин. Якунда барибир ҳаммамиз мағлуб бўламиз, ўлим бизни енгади. Мен Худодан бошқа ҳеч кимдан қўрқмайман" - дея Хабибнинг сўзларига жавоб берди Конор.

Эслатиб ўтамиз, Конор Макгрегор UFC'га қайтаётганига ишора қилган эди