19 июл 15:28
Янгиликлар
Бокс/ММА
Макгрегорнинг спарринг жангида нокаутга учрагани хабар қилинди
Маълумки, 26 август куни енгилмас Флойд Мейвезер бокс қоидалари асосида ўтказиладиган жангда аралаш қоидалар чемпиони Конор Макгрегорга қарши рингга кўтарилади.
Куни кеча америкалик собиқ жаҳон чемпиони Жесси Варгас UFC қиролининг машғулот чоғидаги спарринг жангида нокаутга учрагани ҳақидаги шов-шувли хабар тарқатди.
“Макгрегорни спарринг жангида нокаутга учратишди. Конорнинг мураббийлари спарринг рақиб сифатида Брендон Риосни танлашди. У эса Макгрегорни битта аниқ зарба билан нокаут ҳолатига тушириб қўйган.
Мен сабрсизлик билан бу жангни кутяпман. Ишончим комил, жангда Флойд ғалаба қозонади. Мен ушбу жангда Мейвезернинг ғалабасига озроқ пул тикмоқчиман”, - деди Варгас.
Ҳавола :
Фикрлар