Макс Холлоуэй BMF камарини ҳимоя қилиш учун рақиб танлади

Холлоуэй бразилиялик собиқ UFC чемпиони Чарльз Оливейра билан жанг қилишни истамоқда.

"Бу мен хоҳлаган жанг. Бу кўпчилик кўришни истайдиган жанг. Бизнинг ўзига яраша кичик тарихимиз бор. Ҳозир BMF камарига даъвогарлар унчалик кўп эмас, Чарльз Оливейра улардан бири. Сиз мен билан тарихда бўлган шундай ҳурматли жангчига қарши BMF камарини яна ҳимоя қила оламан, демоқчимисиз?", - деди америкалик жангчи спорт шарҳловчиси Дрейк Риггсга берган интервьюсида.

Холлоуэй ва Оливейранинг биринчи жанги 2015 йил август ойида Канадада бўлиб ўтган UFC Fight Night 74 турнири доирасида бўлиб ўтган ва ўшанда бразилиялик иккинчи дақиқадаёқ жангни давом эттиришдан бош тортганди. 

"Биринчи марта ҳамма буни жароҳат деб айтди, келинг, ҳаммасини аниқлайлик. Билишимча, ундан ҳеч қандай жароҳат топилмаган ва шифохонадан чиқарилган. Мен бу жангни жон-жон деб ўтказган бўлардим. У кўп нарсага эришди, чемпион бўлди, Топ-5`даги яна бир жангчини мағлуб этиш эса мени фақат чемпионлик жангига яқинлаштиради, мен шунга эришмоқдаман", - дея қўшимча қилди Холлоуэй.

Маълумот учун, Макс Холлоуэй сўнгги жангини шу йилнинг июль ойида ўтказиб, Дастин Порье устидан ҳакамлар қарори эвазига ғалаба қозонган бўлса, Чарльз Оливейра уч ҳафта олдин Матеуш Гамротни иккинчи раундда сабмишн эвазига таслим этди.