Макс Холлоуэй чемпиондан қабул қилиб олган мағлубиятига изоҳ берди

Америкалик аралаш яккакураш устаси кеча Абу-Дабида ўтган UFC 308 турнирининг марказий жангида ярименгил вазн чемпиони Илия Топурияга техник нокаут эвазига мағлуб бўлган эди. Бу унинг фаолиятидаги илк нокаутга ҳам айланди.   

"Ўзимни жуда яхши ҳис қиляпман. Ўйлашимча, ритмга тушиб олдим. Фақат мени ҳакамларнинг қарори бироз хайрон қолдирди. Иккита раунддан камида биттасида ғалаба қозонгандим. Энди режаларим қандай бўлади? Ҳозир жамоам билан хордиқ чиқариб, кейин келажак режаларини муҳокама қилиб оламиз. Бу борада шошилмайман. Менга ярименгил вазндан кўра енгил вазн тоифаси қизиқроқ кўриняпти. Енгил вазнда катта номлар кўпроқ. Йигитлар, мени ҳали октагонда яна кўрасизлар. Бу жаноза эмас – бунга ваъда бераман", - деди Макс.