"Мактабларда дзюдо" дастури ижроси: Кўзгуда Сирдарё вилояти ФОТОРЕПОРТАЖ

“Мактабларда дзюдо” IJF лойиҳаси бўлиб, дастурнинг асосий мақсади 5-12 ёшли болаларни дзюдо орқали ижтимоий, таълимий ва жисмоний кўникмаларга ўргатишдан иборат. Ушбу мактаблар IJF томонидан тақдим этилган татами ва кимонолар билан таъминланган. 

Ўзбекистон дзюдо федерациясининг махсус ишчи гуруҳи ушбу дзюдо тўгаракларининг бугунги фаолияти билан танишишни бошлаган эди. Шу кунгача Тошкент шаҳри ва вилоятида фаолияти йўлга қўйилган дзюдо тўгараклари ўрганилганди. Кеча ишчи гуруҳ аъзолари Сирдарё вилоятининг Сайхунобод туманида жойлашган 34-умумтаълим мактабида бўлиб, у ердаги дзюдо тўгараги билан яқиндан танишишди. 

Фаолият юрита бошлаганига бир йил бўлган ушбу мактабда мураббий Жасур Файзиев болаларга дзюдо сир-асрорларини ўргатиб келмоқда. Ҳозирда бу мактабда 32 ўғил бола ва 18 нафар қизлар кунига бир маҳалдан машғулот ўтказишяпти.