01 ноя 08:55
Янгиликлар

Теннис

Малайзия “Фьючерс”. Султонов жуфтликда ярим финалга чиқди

Малайзиянинг Куала-Лумпур шаҳрида мукофот жамғармаси 15 000 АҚШ долларини ташкил қилувчи турнир бўлиб ўтмоқда.

Ушбу мусобақанинг жуфтлик баҳсларида иштирок этаётган Ҳумоюн Султонов қирғизистонлик Данияр Дулдаев билан бирга ярим финал йўлланмасини қўлга киритди.

Ҳозиргина якунига етган чорак финал учрашувида Ҳумоюн ва унинг шериги турнирнинг учинчи рақамли жуфтлиги ҳисобланган австралиялик теннисчилар - Адам ва Жейсон Тэйлор ҳамкорлигини 1 соату 2 дақиқа давом этган баҳсда 6:4, 6:1 ҳисобида мағлуб этди.