"Ман Сити" - Холанд учун курашда фаворит

Англия клуби Дортмунднинг "Боруссия" жамоаси 21 ёшли форварди учун курашда фаворит бўлиб турибди. "Ман Сити" ўйинчи учун "жанг"да "Реал"дан ўтиб кетди.

Вазиятга кўплаб омиллар таъсир ўтказмоқда.

Биринчидан, "Реал" форварди Карим Бенземанинг шартномаси 2023 йилнинг июнига қадар мўлжалланган, у келаси мавсумда аниқ клубда қолади. Шу сабаб Мадрид гранди Холанднинг трансферини 2023 йилнинг ёзида амалга оширишни режалаштирмоқда, аммо норвегиялик яна бир мавсум Дортмундда қолмоқчи эмас.

Иккинчидан, "Манчестер Сити"да битимни ташкил этиш учун молиявий муаммо юзага келмайди. "Шаҳарликлар" узоқ вақт "Тоттенхэм" форварди Харри Кейн билан шартнома имзоламоқчи эдилар, аммо лондонликлар ўйинчини қўйиб юбормади. Энди "Ман Сити"нинг унга қизиқиши сўниб бормоқда.

Норвегиялик жорий мавсум "Боруссия" (Дортмунд) сафида 20та ўйинда майдонга тушиб, 23та гол ва 5та ассист қайд этди.