"Ман Сити" юлдузи яқин ойларда жамоани тарк этишга тайёр — Football Insider

"Манчестер Сити"нинг ҳужумкор ярим ҳимоячиси Филип Фоден яқин ойлар ичида жамоани тарк этишга тайёр. Бу ҳақда Football Insider хабар бермоқда.

Манбага кўра, 25 ёшли ярим ҳимоячи "шаҳарликлар" сафида майдонга тушиш вақтидан норози. Фоден, агар яқин ойларда клуб билан келишувга эришмаса, Англияни тарк этишга тайёр. Таъкидланишича, "Манчестер Сити" футболчининг кетишини истамайди.

Жорий мавсумда Фоден барча турнирларда 41 та ўйинда майдонга тушиб, 10 та гол урди ва бешта голли пас берди. Transfermarkt портали маълумотларига кўра, футболчининг бозор қиймати 80 миллион еврони ташкил қилади.