11 июн 14:33
Янгиликлар
Теннис
Мана буни омад деса бўлади! Саралашда ютқазган Раҳимова "лаки лузер" сифатида тўғридан-тўғри Лондондаги WTA турнирининг 1/8 финалига йўл олди
Бугун мамлакатимизнинг биринчи рақамли теннисчиси Камилла Раҳимова Лондонда ўтаётган WTA 500 тоифасидаги нуфузли турнирнинг нимчорак финалида британиялик Хэрриет Дартга қарши баҳс олиб боради.
Ушбу учрашув бугун бизнинг вақт билан соат 15:30 да бошланиши режалаштирилган.
Раҳимова мусобақанинг саралаш босқичи ҳал қилувчи финад баҳсида қатнашиб, дунёнинг 54-ракеткаси, саралаш турнирида биринчи рақам остида таснифланган германиялик Татьяна Марияга мағлуб бўлганди. У кейинчалик "лаки лузер" (омадли мағлуб) сифатида асосий тўрдан жой олди ва тўғридан-тўғри нимчорак финал босқичига йўл олди.
Энди Камилла турнирнинг 1/8 финалида маҳаллий теннисчи, дунё рейтингида160-ўринни банд этиб турган Хэрриет Дартга қарши кортга чиқади.
Маълумот учун, теннисчилар ўзаро бир марта тўқнаш келишган. 2024 йили Цинциннати турнир саралашида кечган учрашувда Дарт уч сетлик баҳсда ғалаба қозонган эди.
Ҳавола :
Манба : olamsport.com
Фикрлар