Манба — Ўзбек телеканали АПЛ трансляцияси устида ишламоқда

Бу ҳақда дастлаб, шарҳловчи Отабек Жўраев ўзининг Телеграмдаги саҳифасида маълум қилди:

"Зўр ТВ" АПЛ доирасидаги Абдуқодир Ҳусанов иштирокидаги ўйинларни намойиш этади! АПЛнинг ҳар турида "Зўр ТВ" томонидан иккита  учрашув намойиш этилади. Биринчи ўйин бу, тушунарли - "Манчестер Сити" ўйини. Иккинчиси эса "Ливерпуль", "Арсенал", "Челси", "Манчестер Юнайтед", "Тоттенхэм" ёки бошқа инглиз бренди иштирокидаги ўйин", деб ёзган Жўраев.

Яқин вақтлардан буён "Зўр ТВ" телеканалидаги футбол беллашувларини шарҳлаб бораётган Даврон Файзиев эса бунга қуйидагича муносабат билдирди:

"Бу маълумот ҳали расмий эмас. Ҳа, "Зўр ТВ" бугунги кунда барча футбол мухлислари кўришни хоҳлаётган Сити ва АПЛнинг бошқа топ клублари ўйинларини намойиш этиш учун ҳаракатда. Биз ҳам бу ижобий ҳал бўлишини кутяпмиз". 

Маълумот учун, ўзбек телеканалларидан сўнгги бор "УзРепорт" ва "Футбол ТВ" Англия Премьер Лигаси ўйинларини мамлакат ҳудудида намойиш қилганди.