Маннарино Уинстон-Салемда тенгсиз бўлди

Дунёнинг 65-ракеткаси бўлиб турган Адриан Маннарино якунда ушбу мусобақа ғолибига айланди. Франциялик теннис устаси ҳал қилувчи финал учрашувида рейтингнинг 89-поғонасидан жой олиб турган сербиялик Ласло Жерени 7/6(1), 6/4 ҳисобида мағлуб этди. 

Бир соату 46 дақиқа давом этган баҳсда Маннарино 3, Жере 8 та эйс зарбасини ижро этди. Адриан 250 рейтинг очкоси ҳамда 100,475 АҚШ доллари миқдоридаги мукофот пулига эга бўлди. Бу франциялик теннисчининг фаолиятидаги иккинчи соврини эди.