Марказий жангида нокаут қайд этилган Noche UFC турнирининг барча натижалари битта хабарда

Оқшомнинг марказий жангида ярим енгил вазнда чемпионлик камари учун собиқ даъвогар Диего Лопес Жин Сильвага қарши октагонга кўтарилди. Бразилиялик аралаш яккакураш усталари ўртасидаги жангнинг иккинчи раунди якунланишига 12 сония қолган бир пайтда рефери баҳсни тўхтатишга мажбур бўлди. Лопес тирсагида берган зарбаси эвазига рақибини мувозанатдан чиқарди ва кетма-кет зарабалар ёмғирини ёғдирди. Натижада рефери Майк Белтран жангни тўхтатишга мажбур бўлди. Нокдаунга қадар иккинчи раундда Жин Сильва устунликка эришаётганди. Диего Лопес рейтингда иккинчи ўринни эгаллаб турибди ва камар учун жиддий қадам ташлади.  

Турнирнинг co-main event жанги ўта енгил вазнда мексикалик Дэвид Мартинес ҳамда америкалик Роб Фонт ўртасида ўтказилди. Мартинес қисқа муддатда жангни қабул қилганига қарамай, дивизион рейтингида 9-ўринни эгаллаб турган рақибини очколар ҳисобига кўра мағлубиятга учратди. 

Қолган жанглардан америкалик Татьяна Суарес бразилиялик Аманда Лемосни ҳакамлар қарорига кўра таслим этди. Украиналик яримўрта вазн тоифаси вакили Даниил Донченко бразилиялик Родриго Сезинандони биринчи раунднинг ўзида нокаутга учратди. Тажрибали Келвин Гастелум уч раунд тўлиқ давом этган жангда Дастин Штольцфусни очколар ҳисобига кўра енгди (30-27, 29-28, 29-28).

Бугунги турнирда Рафа Гарсия, Александр Эрнандес, Сантьяго Луна, Душко Тодорович ва Олден Кориа рақибларини муддатидан аввал мағлубиятга учратишди.

Noche UFC турнирининг барча натижалари:

Асосий кард жанглари

Диего Лопес Жин Сильва техник нокаутга учратди – 2-раунд, 4:48

Дэвид Мартинес Роб Фонтни очколар ҳисобига кўра ютди (29-28, 29-28, 29-28)

Рафа Гарсия Жаред Гордонни техник нокаут эвазига мағлуб этди – 3-раунд, 2:27

Келвин Гастелум Дастин Штольцфусни очколар эвазига таслим этди (30-27, 29-28, 29-28)

Александр Эрнандес Диего Феррейрани техник нокаутга учратди – 2-раунд, 3:46

Сантьяго Луна Куанг Лини нокаут эвазига енгди – 1-раунд, 2:48

Прелим кард жанглари

Душко Тодорович Хосе Медина сабмишн эвазига ютди (ортдан бўғиш) – 1-раунд, 4:21

Хоаким Сильва Клаудио Пуэльесни ҳакамларнинг айри қарори билан таслим этди (28-29, 29-28, 29-28)

Татьяна Суарес рақибаси Аманда Лемосни очколар ҳисобига кўра мағлубиятга учратди (29-28, 29-28, 29-28)

Хесус Агилар Луис Гурулани очколар бўйича ютди (30-27, 29-28, 29-28)

Седрик Дюма - Закари Риз жанги ўтказилмаган деб топилди (тақиқланган зарба сабаб) – 1-раунд, 0:51

Олден Кориа Алессандро Костани техник нокаут билан енгди – 3-раунд, 0:47

Монсеррат Рендон рақибаси Алис Перейрани ҳакамларнинг айри қарори билан мағлуб этди (29-28, 28-29, 30-27)

Даниил Донченко Родриго Сезинандони техник нокаутга учратди – 1-раунд, 4:27