Маррей Ньюпортдаги турнирнинг чорак финалига йўл олди

Маррей иккинчи давра баҳсида австралиялик Макс Пёрселлни 4/6, 6/2, 6/1 ҳисобида мағлубиятга учратди. Учрашув 2 соату 23 дақиқа давом этган. Ўйин давомида Маррей 8 та эйс зарбасини амалга ошириб, беш марта қўшхатога йўл қўйди ва 7 та брейкдан унумли фойдаланди. Пёрселл эса 5 та эйс, битта қўшхато ва 4 та брейк қайд этди.

Мусобақанинг ярим финал йўлланмаси учун Маррей Қозоғистон вакили Aлександр Бубликка қарши баҳс олиб боради.

Эслатиб ўтамиз, Ньюпортдаги мусобақанинг мукофот жамғармаси 594 950 долларни ташкил этади. Унинг амалдаги чемпиони Жанубий Aфрика Республикаси вакили, яқинда фаолиятини якунлаган Кевин Aндерсон ҳисобланади.