25 окт 07:53
Янгиликлар

Бокс/ММА

Матбуот анжуманида Дана Уайтдан жанг сўраб, унга эришган тожикистонлик ким эди?

Кеча БАА пойтахти Абу-Даби шаҳрида UFC 308 турнири олдидан расмий матбуот анжумани ўтказилганидан хабарингиз бор.

Қизиқ ҳолат, матбуот анжумани чоғида мухлислар ўтирган залдан UFC раҳбари Дана Уайтга мурожаат бўлди. У ўзига шартнома сўраб, UFC октагонида жанг учун имконият беришларини илтимос қилди. Дана Уайт унинг ёши, ММАдаги рекордини ҳақида сўради ва ўз ёнига чорлади.

Бу ким эди? Вазиятдан унумли фойдаланиб кетган мурожаатчи тожикистонлик Доробшох Наботов экан. Ўзининг айтишича, ММАда 9 та жанг ўтказиб, барчасида ғалаба қозонган. Tapology портали берган хабарга кўра, 25 ёшли Наботов унинг ғалабалари 8 тани ташкил қилади. Жангларидан 4 тасини муддатидан аввал якунлаган.

Дана Уайт Доробшохни матчмейкерлар билан учраштириб қўйди. Энди у DWCS (Дана Уайт даъвогарлар серияси)да ўзини синаб кўради. Агар ғалаба қозона олса, UFC жангчисига айланади. Тожикистонлик аралаш яккакурашчи енгил вазн тоифаси вакили бўлиб, АСА Young Eagles, Ural FC, AMC Fight Nights каби Лигаларда жанг ўтказган.