14 мар 15:25
Янгиликлар

Теннис

Матчболдан чиқиб кетган Хольгер Руне "Мастерс" 1/4 финалига йўл олди

Дунёнинг еттинчи ракеткаси Хольгер Руне Индиан-Уэлльс "Мастерс" турнирининг чорак финал иштирокчисига айланди.

Даниялик теннисчи ATP рейтингида 12-поғонада бораётган америкалик Тэйлор Фритцга қарши кечган тўртинчи давра учрашувида матчболдан чиқиб кетишга муваффақ бўлди - 2/6, 7/6(2), 6/3. Бу билан у теннисчиларнинг ўзаро учрашувларидаги ҳисоб мувозанатини ҳам тиклаб қўйди - 1:1.

Икки соату 20 дақиқалик баҳсда Руне 4, Фритц 8 та эйс зарбасини ижро этган. Қўшхатолар Хольгерда биттага кўпроқ бўлди - 4 га 3. Энди 20 ёшли Хольгер Руне ярим финал чиптаси учун россиялик Даниил Медведевга қарши кортга чиқади.