Маурисио Сулейман: "WBC ҳар доим Сауль Альваресни қўллаб-қувватлайди"

"Канело учун Бутунжаҳон бокс кенгаши эшиклари доимо очиқ бўлади. У рейтингда биринчи ўринни эгаллаб турибди, ўтган йили мағлубиятга учради, танаффус олди, операция қилинди. Тез орада уни келажакда нима кутаётганини билиб оламиз. Шубҳасиз, у ҳар доим WBC томонидан қўллаб-қувватланади", - деди Сулайман.

Эслатиб ўтамиз, 2025 йилда Сауль Алварес кубалик Уильям Скуллга қарши ўтказилган яқин жангда очколар ҳисобига кўра ғалаба қозонганди. Сўнгра ҳакамларнинг якдил қарори билан америкалик Теренс Кроуфордга ютқазиб, иккинчи ўрта вазн тоифасида мутлақ жаҳон чемпиони унвонини йўқотганди.

Бир неча кун олдин "Канело"нинг кубалик Ослейс Иглесиасга қарши чемпионлик жангини ўтказиш имкониятидан воз кечгани маълум бўлганди. Альвареснинг қачон рингга қайтиши ҳозирча номаълум.