Махачев Делла Маддаленага қарши жангдаги асосий қийинчилик нима бўлишини айтди

— Хабиб сен учун бу жуда оғир жанг бўлишини айтди...

— Биласанми, бу қандай бўлади? Агар Чимаев дю Плессига эркин ҳаракат қилиш имкониятини берганида, жуда рақобатли жанг чиқарди. Менда ҳам худди шундай. Агар Делла Маддаленага тик ҳолатда эркин ишлашга имкон берилса, у яхши жанг кўрсатиши мумкин. Аммо сир эмас — мен уни ерга йиқитаман, назорат қиламан, чарчатаман, ўз услубимни ўтказаман.

Хабиб нега бунақа деди? Чунки бу биз учун янги чорлов — янги вазн. Биз олдин бундай қилмаганмиз, юқори вазнга ўтиб жанг қилиш бошқа тайёргарликни талаб қилади. Бошқа спарринг шериклари, бошқа машғулотлар керак. Ҳозир жуда кўп нарсани ўзгартиришга тўғри келмоқда, — деди Махачев.