Махачевнинг мураббийи: "Ислам Йен Гэррини партерга тушириши шарт эмас"

"Ислам ҳозир "стойка"да (тик турган ҳолда) жуда яхши ҳаракат қилмоқда. Одамлар унинг зарба бериш техникасини камситишади ва у Йенни таслим этиши учун албатта партерга тушириши керак деб ўйлашади. Аммо унга буни қилиш шарт эмас. Бу тўғрироқ танлов бўладими? Балки ҳа, чунки биз грепплингда ундан устун эканлигимизни аниқ биламиз. Лекин уни партерга туширишимиз шартми? Менимча – йўқ, шарт эмас", – деди америкалик мутахассис "Weighing In" подкастида.

Россиялик ва ирландиялик жангчилар ўртасидаги ярим ўрта вазн тоифаси чемпионлик жанги 16 август куни тонгда Филадельфияда бўлиб ўтадиган UFC 330 турнирининг асосий воқеаси бўлади.

Даъвогар чемпионни тўртинчи раундда нокаут қилишга ваъда берган, ташкилотнинг энг яхши жангчиси эса жангни уч раунд ичида якунлашига ишонч билдирганди.