Майами. 20 ёшли Ига Свёнтек "Мастерс" финалига чиқди

Жаҳоннинг иккинчи ракеткаси польшалик Ига Свёнтек турнирнинг ярим финалида WТА рейтингида 21-ўринни эгаллаб турган америкалик Жессика Пегулани 6/2, 7/5 ҳисобида мағлуб этди ва финалга йўл олди. 

1 соату 50 дақиқа давом этган учрашувда 20 ёшли Свёнтек учта эйсни амалга ошириб, тўпни ўйинга киритишда икки марта хатога йўл қўйди ва олтита брейк-пойнтни қайд этди, 28 ёшли Пегула эса битта эйс зарбасини амалга ошириб, икки бор қўшхатога йўл қўйди ва учта брейкдан унумли фойдаланди. Спортчиларнинг ўзаро учрашувларида ҳисоб тенглашди, 1:1.

Miami Open мусобақаси финалида Свёнтек япониялик Наоми Осакага қарши баҳс олиб боради.