31 мар 08:19
Янгиликлар

Теннис

Майами (ATP): Дель Потро финалга чиқа олмади

АҚШнинг Майами шаҳри мезбонлик қилаётган “Мастерс” туркумига кирувчи теннис турнири ўз якуни сари яқинлашмоқда.

Ғолиблик учун асосий даъвогар саналган дунёнинг олтинчи ракеткаси Хуан Мартин Дель Потро ярим финал учрашувида мағлубиятга учради. Аргентиналик 29 ёшли теннисчи америкалик Жон Изнерга ютқазиб қўйди.

ATP рейтингида 17-ўринни эгаллаб турган Изнер 1 соату 23 дақиқа давом этган баҳсда кучли рақибини 6:1, 7:6(2) ҳисобида мағлубиятга учратди. 32 ёшли Изнер учрашув давомида 13та эйс зарбасини амалга оширди. Энди у бош мукофот учун кечадиган учрашувда германиялик Александр Зверевга қарши кортга чиқади.