29 мар 11:35
Янгиликлар

Теннис

Майами. Ига Свёнтек Кори Гоффни мағлуб этиб, чорак финалга чиқди

АҚШнинг Майами шаҳрида теннис бўйича "Мастерс" турнири давом этмоқда.

Жаҳоннинг иккинчи ракеткаси польшалик Ига Свёнтек турнирнинг тўртинчи даврасида WТА рейтингида 17-ўринни эгаллаб турган америкалик Кори Гоффни 6/3, 6/1 ҳисобида мағлуб этди ва чорак финалга чиқди.

1 соату 17 дақиқа давом этган учрашувда Ига бир марта эйс зарбасини амалга оширди, тўпни ўйинга киритишда икки марта хатога йўл қўйди ва тўртта брейк-пойтни қайд этди. Кори эса тўртта эйс амалга ошириб, тўртта қўш хатога йўл қўйди. Бу спортчиларнинг ўзаро иккинчи учрашуви бўлди ва ҳар икки ўйинда ҳам ғалаба Польша вакиласида.

Свёнтек турнирнинг чорак финалида чехиялик Петра Квитова билан баҳс олиб боради.