24 мар 17:55
Янгиликлар

Теннис

Майами "Мастерс". Карлос Алькарас рақибини сезмади

Дунёнинг иккинчи ракеткаси Карлос Алькараз ортиқча қийинчиликсиз Майами "Мастерс" турнири учинчи даврасига йўл олди.

Испаниялик теннис юлдузи иккинчи давра учрашувида ATP рейтингида 64-поғонада бораётган ватандоши Роберто Карбальес-Баэнана 6:2, 6:1 ҳисобида таслим этди. Етмиш тўққиз дақиқалик баҳсда Алькарас 3 та эйс, 4 та брейк-пойнт қайд этиб, битта қшўхатога йўл қўйди.

Энди Карлос Алькарас "Мастерс"нинг учинчи даврасида дунёнинг 47-ракеткаси Гаэль Монфисга қарши кортга чиқади. Ўз ўрнида франциялик теннисчи иккинчи босқичда рейтингнинг 34-поғонасидан ўрин эгаллаган австралиялик Жордан Томпсонни 6/7(1), 6/1, 6/2 ҳисобида мағлубиятга учратди.