18 май 14:52
Янгиликлар
Баскетбол
"Майами" NBA Шарқий конференцияси финалининг биринчи ўйинида "Бостон"ни мағлуб этди
"Майами Хит" ўз майдонида "Бостон Селтикс"ни қабул қилган NBA Шарқий конференция плей-офф серияси финалининг биринчи ўйини якунланди.
Майамидаги (АҚШ) "American Airlines Center" аренада бўлиб ўтган учрашув мезбонларнинг 118:107 ҳисобидаги ғалабаси билан якунланди.
Шу тариқа сериядаги ҳисоб 1:0 бўлди ва "Майами" Шарқий конференция финалида пешқадамлик қилмоқда.
Учрашувда "Майами" вакили Жимми Батлер 41 очко, 9 рибанд ва 5 самарали узатма билан энг яхши кўрсаткични қайд этган бўлса, Жейсон Татум "Бостон" сафида 29 очко, 8 рибанд ва 6 самарали узатма билан жамоасининг энг яхши ўйинчиси бўлди.
Эслатиб ўтамиз, Шарқий конференция ярим финалида "Бостон" "Милуоки Бакс"ни мағлуб этган, "Майами" эса "Филаделфия" билан қарама-қаршиликда ғалаба қозонган эди.
Ҳавола :
Манба : championat.com
Фикрлар