03 апр 13:42
Янгиликлар

Теннис

Майами WTA 1000 турнири жуфтлиги бош соврини АҚШда қолди

Икки ҳафта давомида АҚШнинг Майами шаҳри теннис бўйича аёллар ва эркаклар ўртасидаги нуфузли турнирларга мезбонлик қилди.

Мусобақанинг аёллар ўртасидаги жуфтлик баҳсларида америкаликлар Кори Гофф ва Жессика Пегула бош соврин соҳибасига айланишди. Улар 102 дақиқа давом этган финал учрашувида канадалик Лейла Фернандес ҳамда америкалик Тэйлор Таунсенд ҳамкорлигидан 7/6(6), 6/2 ҳисобида устун келишди.

Учрашув давомида Гофф/Пегула 2, Фернандес/Таусенд эса 3 та эйс зарбасини амалга оширган. Майамидаги муваффақиятли иштирок Гофф ва Пегулага 1000 рейтинг очкоси ҳамда 436,730 АҚШ доллари миқдорида мукофот пули келтирган.