15 дек 08:35
Янгиликлар

Футбол

Мбаппе ва Родригонинг голлари "Реал"га меҳмонда "Алавес" устидан ғалаба тақдим этди

Испания Ла Лигасининг 16-тур доирасидаги "Алавес" — "Реал" ўйинида меҳмонлар муҳим уч очкони қўлга киритишди.

Дастлаб Килиан Мбаппе ўйиннинг 24-дақиқасида мезбонлар дарвозасини ишғол қилиб, учрашувдаги ҳисобни очди. Карлос Висенте 68-дақиқада мувозанатни тиклади - 1:1. Орадан кўп ўтмай, аниқроғи 76-дақиқада Родриго гол уриб, “Қироллик клуби”га ғалаба тақдим этди.

"Реал"нинг ғалабаси сабаб Хаби Алонсо жамоа бош мураббийи сифатида бирмунча кўпроқ қоладиган бўлди. Клуб раҳбарияти "Алавес"га қарши ўйинда ижобий натижа қайд этилмаса, Алонсога чиқиш эшиклари кўрсатилишини маълум қилганди. Пешқадам "Барселона" ва иккинчи ўриндаги "Реал" ўртасидаги фарқ 4 очколигича қолмоқда.