Мбаппенинг “Реал Мадрид”га келиши мадридликларинг бошқа бир юлдузини кетишига сабаб бўлиши мумкин

Бу ҳақида инсайдер Эдуардо Инда маълум қилди.

“Агар Мбаппе келса, кимдир “Реал”ни тарк этиши керак, чунки клуб янги футболчи учун пул топиши керак. Шунингдек, Мбаппе учун мадридликлар ҳужумчидан ҳам жой топиш керак. Франциялик ҳужумнинг исталган жойида ҳаракат қила олади. Мисол учун “тўққизлик” сифатида. Аммо бу ерга мадридликлар ёш иқтидор соҳиби Эндрикни олиб келишмоқда.

“Реал Мадрид” албатта кимнидир сотиши керак, чунки бу клуб учун зарур бўлган вазифа. Агар Мбаппе келса, кимдир кетиши ва бўш жой қолдириши керак. Кўп пул олишингиз мумкин бўлган футболчи эса бразилиялик Винисиусдир. Унинг трансфери орқали катта пул ишлаб олиш ва Мбаппе учун бўш жой яратиш мумкин”, — деган Инда.

Маълумот учун, Винисиус жорий мавсум “Реал Мадрид” сафида 14 та учрашувда майдонга тушган. Унинг ҳисобида 6 та гол ва 4 та голга узатма бор. Бразилияликнинг жамоа билан амалдаги шартномаси 2027 йилга қадар мўлжалланган. Трансфермаркет ҳужумчини 150 миллион еврога баҳолаган.