МДҲ ўйинлари: ўйинларнинг сўнгги куни якунланди

Ўзбек спортчиларининг 13 август кунги иштирокига оид янгиликларни ушбу саҳифа орқали кузатиб бориш мумкин бўлди.

Кун давомида медаль қўлга киритган спортчиларимиз рўйхати билан танишинг. 

20:20. Каратэ. Моҳларойим Ҳакимжонова терма жамоамиз ҳисобига кумуш медални қўшиб қўйди. 

20:14. Аёллар кураши. Феруза Эсенбаева бронза медалига сазовор бўлди.

20:00. Каратэ. Алисултон Хожиев кумуш медалга эга чиқди.

19:11. Аёллар кураши. Нигина Собирова россиялик рақибасидан устун келди ва бронза медалини қўлга киритди. 

18:50. Аёллар кураши. Жасмина Иммаева кумуш медаль соҳибасига айланди

17:35. Каратэ. Мохларойим Ҳакимжонова финалга йўл олди. Бироздан сўнг у олтин медаль учун баҳс олиб боради.

16:42. Самбочи Ихтиёр Эшмуродов финалда россиялик рақибини катта устунлик билан мағлуб этди ва навбатдаги олтин медални делегациямиз ҳисобига қўшиб қўйди!

16:30. Самбо. Қобилжон Аҳмедов финалда мўғулистонлик рақибидан устун келди ва олтин медалга сазовор бўлди! 

16:16. Самбочимиз Мухлиса Қодирберганова финалда мезбон рақибасига имкониятни бой берди ва кумуш медаль билан кифояланди.

16:00. Муайтайчиларимиз мусобақани 11 та медаль билан якунлашди. Вакилларимиз 2 та олтин, 4 та кумуш ва 5 та бронза медалини қўлга киритишди. Ўзбекистон муайтайчилари МДҲ ўйинларида 12 нафар спортчи билан иштирок этди. 

15:34. Муайтай. Абдуфаттоҳ Алиакбаров кумуш медални делегациямиз ҳисобига қўшиб қўйди. 

15:19. Тошкент вақти билан соат 16:00дан бошлаб самбода финаллар бошланади. Унда уч нафар ҳамюртимиз олтин медаль учун баҳсга киришади.

15:15. Муайтайчи Мухлисбек Ғанижонов кумуш медалга сазовор бўлди. 

14:35. Муайтай. Анисжон Ҳакимовдан олтин медаль!

14:27. Муайтай. Зубайр Ҳусановдан кумуш медаль.

14:20. Самбо. Ихтиёр Эшмуродов ва Қобулжон Аҳмедов финалга йўл олди.

13:55. Самбо. Мухлиса Қодирбергенова финалга йўл олди

13:50. Муайтай. Севинч Тошпўлатова кумуш медаль қўлга киритди.

13:37. Самбо. Мадина Салоҳиддинова ва Чаросхон Озодова бронза медалини қўлга киритди.

13:15. Муайтай: -45 кг вазн тоифасида Назинахон Абдуллаева олтин медални қўлга киритди!

13:00. Айни пайтда самбочиларимиз саралаш беллашувларини ўтказишмоқда.