15 апр 07:38
Янгиликлар

Теннис

Медведев Мадрид ва Рим "Мастерс" турнирларини ўтказиб юборади

Жаҳоннинг иккинчи ракеткаси, россиялик Даниил Медведев Мадрид ва Рим "Мастерс" турнирларида қатнашмайдиган бўлди.

Турнирлар бирин-кетин ўтказилади: Мадрид 1-8 май, Рим 8-15 май. "Ролан Гаррос" Рим турниридан бир ҳафта кейин, 22 май куни бошланади. Энди Медведевнинг асосий тўрдаги ўрнини Мадридда испаниялик Алехандро Давидович Фокина, Римда эса беларуслик Илья Ивашко эгаллайди.

Медведев аввалроқ, операция қилинган эди. Россияликнинг тикланиши бир ойдан икки ойгача давом этиши мумкин. Шундай қилиб, Даниил кетма-кет учта йирик грунт турнирини ўтказиб юборади.

Маълумот учун, айни пайтда Даниил "Ролан Гаррос" турнирида иштирок этиш учун ариза берган теннисчилар рўйхатидан жой олган.