15 мар 08:47
Янгиликлар

Теннис

Медведев Марсель турнири ғолиби + ФОТО

Франциянинг Марсель шаҳрида теннис бўйича нуфузли ATP турнири якунланди.

Кутилганидек, Open 13 турнирининг ҳал қилувчи финал учрашувида сайёрамизнинг учинчи ракеткаси Даниил Медведев рейтингнинг 93-поғонасидан жой олиб турган франциялик Пьер-Юг Эрберни мағлубиятга учратди - 6/4, 6/7(4), 6/4.

Икки соату 11 дақиқа давом этган баҳсда Даниил 13, Пьер-Юг эса 10 та эйс зарбасини амалга оширди. Ўзаро учрашувлардаги ҳисоб мувозанати тикланди - 2:2. Марселдаги муваффақиятли иштирок Медведевга 27,615 евро мукофот пули ҳамда 250 рейтинг очкосини тақдим этди. Бу унинг фаолиятидаги роппа-роса 10-соврини бўлди. Эрбер эса 20,400 евро ва 150 очкони қўлга киритди.