Медведев Майами "Мастерс" 1/4 финалида!

Дунёнинг иккинчи ракеткаси Даниил Медведев чорак финал иштирокчисига айланди. Россиялик теннис устаси 80 дақиқа давом этган нимчорак финал учрашувида ATP рейтингида 39-ўринни эгаллаб турган америкалик Женсон Бруксбини таслим этди - 7/5, 6/1. 

Бу вақт оралиғида 26 ёшли Медведев 8 та эйс, 4 та брейк-пойнтни амалга ошириб, 4 бор қўшхатога йўл қўйди. 21 ёшли Бруксби эса биттадан қўшхато ва брейк қайд этди, эйс зарбани эса ижро эта олмади. Бу теннисчиларнинг ўзаро ўтказган илк учрашуви эди.