31 мар 19:29
Янгиликлар

Теннис

Медведев Майами “Мастерс” 1/4 финалига чиқди

АҚШнинг Майами шаҳрида теннис бўйича "Мастерс" сериясига кирувчи турнири бўлиб ўтмоқда.

Жаҳоннинг иккинчи ракеткаси, россиялик Даниил Медведев ATP рейтингининг 58-поғонасидан жой олиб турган америкалик Фрэнсис Тиафони 6/4, 6/3 ҳисобларида мағлуб этиб, мусобақасининг чорак финалига йўл олди.

Бир соату 32 дақиқа давом этган учрашувда 25 ёшли Медведев 11 та эйс зарбани амалга оширди, уч марта қўшхатога йўл қўйди ва уч бор брейк-поинтни қайт этди. 23 ёшли Тиафо эса битта брейкни амалга оширди. Шахсий учрашувларда ҳисоб 4:1, россиялик теннисчи фойдасига.

Даниил Медведевнинг Miami Open турниридаги навбатдаги рақиби испаниялик Роберто Баутиста-Агут бўлади.