06 апр 10:13
Янгиликлар

Теннис

Медведев Монте-Карло "Мастерс"да иштирок этмайди

Дунёнинг иккинчи ракеткаси Даниил Медведевнинг 9-17 апрель кунлари Монте-Карло "Мастерс" турнирида қатнашмаслиги маълум бўлди.

Бунга россиялик теннисчининг соғлиғи билан боғлиқ муаммо сабаб бўлган. Медведев чуррагини операция қилдириши сабаб бир ойдан икки ойгача катта теннисдан четда бўлади.

Эътиборлиси, Даниил ўтган йили ҳам Rolex Monte-Carlo турнирида иштирок этмаганди. Ўшанда унинг Монако Князлигига келмаслигига коронавирус сабаб бўлган эди. Медведевдан ташқари германиялик Доминик Кёпфер ҳам турнирда қатнашмайди. Уларнинг ўрнини асосий тўрда мос равишда Таллон Грикспур ва Маркос Хирон эгаллайди.