05 авг 19:58
Янгиликлар

Бокс/ММА

Мексика Мустақиллигига бағишланган UFC турнирининг марказий жанги эълон қилинди + ПОСТЕР

UFC промоушени 13 сентябрь куни АҚШнинг Глендейл шаҳрида бўлиб ўтадиган UFC Fight Night 288 турнирининг марказий жангини расман эълон қилди.

Оқшомнинг асосий баҳсида ярим енгил вазн тоифасида собиқ чемпионлик даъвогари, мексикалик Яир Родригес рейтингнинг 6-поғонасидаги бразилиялик Жан Сильвага қарши октагонга чиқади.

Маълумот учун, 33 ёшли Яир Родригес UFC`даги фаолиятини 2014 йилда бошлаган. У дунёнинг энг нуфузли ММА промоушенида шу пайтгача 11 та ғалаба ва 4 та мағлубият қайд этган.

29 яшар Жан Сильва эса UFC`да 2024 йилда дебют қилган. Бразилиялик жангчи ташкилотдаги фаолияти давомида 6 та ғалаба ва 1 та мағлубиятга эга бўлиб турибди.