"Мен қилган хатони қилма". Царукян Чимаевга маслаҳат берди

Чимаев 17 август куни ўрта вазн (84 кг гача) чемпиони Дрикус дю Плессига қарши жанг қилади.

— Сен Чимаев функционал томонлама кучли, лекин жангга керакли формада эмас деб айтгандинг.

— Ҳа, у ҳаддан ташқари кўп машқ қилишни яхши кўради, шу боис у жангга пик формасига етиб келмайди. У машғулотларда ўзини тўхтата олмайди. Спаррингдан сўнг бориб, қоп уради, қўлқопда ишлайди, тош кўтаради. Хамзат шундай йигитларданки, унга "Бўлди, Хамзат. Энди чигилёзди машқларни қил ва уйга кет" дейиш керак. 

— Сен буни унга айтдингми?

— Ҳа, биз тез-тез мулоқот қиламиз. Мен унга айтдим: "Мен қилган хатони сен такрорлама". Менда чемпионлик жанги бўлган ва мен бутун бор кучимни фақат машғулотларга сарф қилгандим. Ҳаммасини шу ерда қолдирдим. Лекин жанг учун ўйланган ва тўғри ёндашув бўлиши керак, ўзини асраш керак, — деди Царукян.