"Мен яхшироқман!". Райан Гарсия Кроуфордни ҳаддан ташқари баҳоланган деб атади

"Теренс Кроуфорд? Мен уни одамлар айтганчалик яхши деб ўйламайман. Мен билан баҳслашишингиз мумкин, лекин ўзимни энг яхши жангчи деб ҳисоблайман. Тезроқ, кучлироқ, ҳа, мен энг яхши ҳолатдаман", - деди Гарсия ижтимоий тармоқдаги саҳифасида.

Шунингдек, у Кроуфорднинг сўнгги жангларини танқид қилиб, уни ортиқча баҳоланган боксчи деб атади.

"У сўнгги жангида яхши кўринмаганди. Агар у хоҳласа, мен у билан 154 фунт оғирлик вазнда жанг қила оламан. Ҳа, менимча, Кроуфорднинг баҳоси ошириб юборилган. Ўйлашимча, у ҳаётида ҳеч қачон авлод даражасидаги жангчи билан тўқнаш келмаган", - дея қўшимча қилди Гарсия.