Менежер Усик Фьюрини қандай мағлуб этишини тушунтириб берди

Унинг сўзларига кўра, бу жанг украиналикнинг фаолиятидаги энг катта қийинчилик бўлади, бироқ у британияликни мағлуб эта олади.

"Биз бу жангни ташкил этиш жуда узоқ вақт ишладик ва ниҳоят буни уддаладик. Албатта, бу осон жанг бўлмайди. Балки бу Александрнинг фаолиятидаги энг қийин жанг бўлар. Усик ўзига ишонади, лекин шу билан бирга у ҳам буни билиб турибди. Вақти-вақти билан у жуда кўп иш қилиш кераклигини яхши тушунади. У меҳнаткаш, яхши спортчи ва зўр жангчи.

Спарринг шерикларини топиш қийин бўлади, чунки Тайсон Фьюри жуда баланд бўйли, қўллари узун, услуби ноқулай. Шундай экан бу энг катта қийинчилик бўлади.

Лекин, мен Александрнинг ғалабасига шубҳа қилмайман. Сабаби унинг оёқ ҳаракати ажойиб ва ақлли. Фьюри катта кучга эга демаган бўлардим. У оғир ва жангчиларга осилади. Аммо, Александрни мағлуб этиш осон бўлмайди", - деди Климас.

Эслатиб ўтамиз, Усик ва Фьюри ўртасидаги мутлақ чемпионлик жанги 2024 йилнинг 17 февраль куни Саудия Арабистони пойтахти Ар-Риёд шаҳрида бўлиб ўтади.