30 дек 15:46
Янгиликлар

Бокс/ММА

Мэнни Пакьяо - Роландо Ромеро жанги ўтказилмайди! Ғиёсов учун имкониятми?

Саккиз вазн тоифасида собиқ жаҳон чемпиони Мэнни Пакьяо WBA камарининг амалдаги соҳиби Роландо Ромеронинг навбатдаги рақиби бўлмайди.

Боксчиларнинг вакиллари 2025 йилнинг октябрь ойидан буён жанг ҳақида музокара олиб боришган. Эҳтимолий сана сифатида март ойи кўрсатилган, тегишли эълон бир вақтнинг ўзида Premier Boxing Champions компанияси веб-сайтида ҳам пайдо бўлган, аммо якунда томонлар келиша олмади.

The Ring нашрининг ёзишича, бунга Ромеро рейтингнинг биринчи рақамли жангчиси Шаҳрам Ғиёсовга қарши камар ҳимоясини ўтказиш мажбуриятини олганлиги сабаб бўлган.

Аввалроқ Ромеро Ғиёсовнинг жангларини кўрмагани ва унинг кимлигини умуман билмагани учун у билан учрашмоқчи эмаслигини айтганди. "Агар мен сени билмасам, сендан қарздор эмасман", - деганди Ромеро.