01 янв 12:16
Янгиликлар

Бокс/ММА

Мэнни Пакьяо янги промоушен билан шартнома имзолади

Профессионал бокс афсоналаридан бири Мэнни Пакьяо Япониянинг Rizin FF промоушени билан шартномага имзо чекди.

Филиппинлик боксчи кейинги жангини Rizin Fighting Federation промоушени байроғи остида ўтказади. Бу ҳақда 44 ёшли боксчининг шахсан ўзи кеча Токиода бўлиб ўтган Rizin 40 турнирида хабар берди.

"Бир неча ой олдин бу ерда меҳмон сифатида бўлгандим. Бугун эса сизларга қизиқ хабарим бор. Мен Rizin билан келишиб олдим. Тез орада ушбу промоушенда ўтказадиган илк жангимнинг санаси ҳамда рақиб номини эълон қиламиз. Япониялик рақибга қарши ўтказиладиган жангни интизорлик билан кутяпман", - деди Пакьяо.