Мераб Двалишвили: "Мен барча доғистонликларни ҳурмат қиламан, фақат бир кишидан ташқари"

Грузияликнинг нафратидаги яккакураш устаси Умар Нурмагомедов ва унинг менежери Ризван Магомедов экан. Мераб айнан шу икки кишига нисбатан нафратини яширмаслигини маълум қилди.

"Мен Умарнинг оиласини, Нурмагомедовлар оиласини жуда ҳурмат қиламан. Абдулманап Нурмагомедов... У билан тушган суратларим бор, уларни кўп марта эълон қилганман. Хабиб Нурмагомедов, Ислам Махачев... Мен бу жамоанинг барчасини жуда ҳурмат қиламан. Кўп йиллардан бери доғистонлик кўплаб дўстларим бор, уларга яхши муносабатдаман ва барча доғистонликларни, айниқса жангчиларни жуда ҳурмат қиламан.

Доғистондан менга ёқмайдиган ягона одамлар — бу Умар ва унинг айёр менежери. Унинг исми Ризван. Кейинчалик билишимча, мен тушунганимдек, айнан у Умарга [ижтимоий тармоқ] Хда менга нисбатан ҳурматсизлик қилишда, мени қўрқитишда ва ҳар хил ёмон, ҳурматсиз нарсаларни ёзишда ёрдам берган. Улар ҳатто менинг мамлакатимни ҳам ҳақоратли контекстда тилга олишди. Бу Ризван, унинг айёр менежери, Грузияда бўлган. У ерда унга жуда яхши муносабатда бўлишган, уни жуда яхши кутиб олишган. Аммо шундан кейин ҳам у менга ва менинг мамлакатимга нисбатан ҳурматсизлик қилди. У айёр йигит.

Булар доғистондан менга ёқмайдиган ягона икки киши. Мен ҳар доим ҳалол бўлганман. Агар кимдир менга ёқмаса, буни яширишга уринмайман. Ҳар доим ҳақиқатни айтаман. Мен ҳаммага ёқишга уринмаяпман. Менга сизларнинг севгингиз керак эмас. Мен қандай бўлсам, шундайман ва ўзимни бошқача кўрсатмоқчи эмасман. Мен Умар ҳақида ва у ҳақида нима деб ўйлашим ҳақида ҳақиқатни айтаман. Менимча, уни эркалатиб юборишган. У менга нисбатан ҳурматсизлик қилди. Мен ғазабдаман ва бу менга оғриқ беради. Ҳар сафар имкон туғилганда, у менга нисбатан ҳурматсизлик қилади", — деди Мераб журналист Ариэль Хельвани билан бўлган интервьюсида.