Мэйвезер 2020 йилда иккита жанг ўтказмоқчи: эҳтимолий рақиблардан бирининг номи маълум қилинди

Маълум бўлишича, улардан бири UFC жангчисига қарши ҳам бўлиши мумкин. У бокс қоидалари асосидаги жангини катта эҳтимол билан филиппинлик Мэнни Пакьяога қарши ўтказади. Улар 2015 йилда ўзаро тўқнаш келишган ва жангда Флойд очколар ҳисобига кўра ғалаба қозонганди. 

Иккинчи жанг қайси спортчига қарши бўлиши ҳақида ҳозирча аниқ маълумот йўқ. Аввалроқ, у Хабиб Нурмагомедовга қарши баҳс олиб бориши ҳақида хабар қилинганди.